Il primo componimento del 2025 in gallurese di Giovanni Meloni è dedicato a uno storico barbiere titolare di un salone a due passi dalla chiesa di San Paolo e dalla casa parrocchiale. Il suo soprannome era “Princone”.
ZIU PETRU LU BALBERI
Ancora mill’ammentu ziù Petru lu balberi, passendi illa Carrera di la ghjescia,
Mi pari d’aellu istu abali aba’
zigarru in bucca, e in capu lu sumbreri, dugna tre passi si
felma a cuntrasta’
Abali è felmu cun Mammai Antunina,
chi sta illu biccu addananzi a la brutea,
e chi passa tutta la matina
illu ghjannili pusata illa catrea.
Poi si felma a ciavana’ cun zi’Antuniccu,
lu chi faci curoni pa’ li molti,
e l’ ha invitatu a Intra’ illa colti,
pal falli ‘ide’ un alburu di ficu,
chi a capidanni cand’e’ lu tempu soiu, di chissà bianca ni
poni a casticu.
Dui passi ancora e incontra lu duttori, e ancora a iddhu dici calche cosa, e li faeddha di chissu dulori, chi so’ tre notti oramai chi no riposa.
Poi finalmenti arrea a lu saloni,
abbri la ghjanna e pripara li strumenti,
poni a scaldi’ l’età e scioddhi lu saoni,
e pianu pianu cumencia a intra’
la ghjenti,
aba’ una balba, poi un tagliu di pili,
sutt’a ca tocca no timiti nienti!
E cumenciani li conti di fuchili,
di cani d’ interessi e di parenti,
si faeddha di caccia e di fusili,
e di la olta ch’andesi in continenti,
e appena si presenta l’occasioni,
cilchendi di fa l’ indifferenti,
calche faula in mezu vi la poni!