(Un inno all’amore del nostro poeta gallurese Giovanni Meloni)
Cos’ è l’amori?
L’amori è una midicina pa lu cori,
ma no è cosa chi poi cumanda’,
si vo’ ti mustra li meddhu culori
ma a lu bugghju ti po’ puru laca’
l’amori no è caddhu chi s’imbriddha,
decidi sempri iddhu cosa fa’
e’ più luscicosu d’una anghiddha,
piddha e sinn’anda ma po’ puru turra’
Candu lu ‘oi acchjappa’ iddhu ti fugghj
ma siddhu lu ‘oi fugghji tandu ti ‘o piddha’
candu prummetti no è sempre chi manteni,
ma si lu faci, a lu tò cori lu faci bula’.
È comu sta supra un’altalena,
pa’ un momentu ti ni pesi in bolu
poi di colpu t’agatti tristu e solu
sei disipiratu e no sai più chi cosa fa!
Paro’ si vulemu esse sinceri,
sidd’era statu possibili sciuara’
suppisendi piaceri e dispiaceri
ariami ‘ulutu sempri e solu ama’.